Monday, October 27, 2008

su su nway was honored by Agrate city council


၂ဝဝ၇ ခုနှစ်၊ သြဂုတ်လ ၂၈ ရက်နေ့က လူ့အခွင့်အရေး၊ အလုပ်သမားအခွင့်အရေး လှုပ်ရှားသူ မစုစုနွေး (ဒု-ယာ) ကို လောင်စာဆီဈေးနှုန်းနှင့် ကုန်ဈေးနှုန်းကျဆင်းရေး တောင်းဆိုမှုတွင် တွေ့မြင်ရစဉ် မှတ်တမ်းပုံဖြစ်ပါသည်။ (Photo: RFA)


လူ့အခွင့်အရေးလှုပ်ရှားသူ မစုစုနွေး အီတလီ ဂုဏ်ထူးဆောင်မြို့သားဆုရရှိ
RFA 2008-10-26

အင်းစိန်ထောင်မှာ ဖမ်းဆီးထိမ်းသိမ်းခံနေရတဲ့ လူ့အခွင့်အရေးလှုပ်ရှားသူ မစုစုနွေးကို အီတလီနိုင်ငံ၊ Agrate မြို့က ဂုဏ်ထူးဆောင်မြို့သားဆု ချီးမြှင့်လိုက်ပါတယ်။
မြို့တော်ဝန်ကိုယ်တိုင် ဆုပေးအပ်တဲ့ ဒီဆုချီးမြှင့်ပွဲကို စနေနေ့ မနက်ပိုင်းက Agrate မြို့မှာ ကျင်းပခဲ့တာဖြစ်ပြီး အီတလီနိုင်ငံရှိ ယူရို၊ ဘားမားရုံး၊ ဒုတိယ ညွှန်ကြားရေးမှူး ဦးဇော်မင်းက ဆုလက်ခံရယူခဲ့ပါတယ်။

ခုလို မစုစုနွေးကို ဂုဏ်ထူးဆောင်နိုင်ငံသားဆု ချီးမြှင့်လိုက်တာနဲ့ ပတ်သက်ပြီး ဦးဇော်မင်းက RFA ကို အခုလို ပြောပြပါတယ်။

ဦးဇော်မင်း။ ။ "ဒီနေ့မနက် ၁ဝနာရီမှာ မြို့တော်ဝန်ကနေပြီး စုစုနွေးအတွက် ဂုဏ်ထူးဆောင်နိုင်ငံသားဆု ပေးတာပါ၊ မြို့တော်ဝန်၊ ဒုတိယမြို့တော်ဝန်နဲ့ ကောင်စီအဖွဲ့ဝင် ၅ဝ ကျော်လောက် တက်ရောက်ခဲ့ပါတယ်။ သူ့ရဲ့လုပ်ကိုင်ခဲ့တဲ့ဟာတွေ အသိမှတ်ပြုတဲ့သဘောပေါ့။"

အလားတူပဲ အီတလီနိုင်ငံ Bologna မြို့မှာ ပြီးခဲ့တဲ့ ကြာသပတေးနေ့က ဒေါ်အောင်ဆန်းစုကြည်ကို ဂုဏ်ထူးဆောင်မြို့သားဆုကို ချီးမြှင့်ခဲ့တာ RFA က ထုတ်လွှင့်ခဲ့ပြီးဖြစ်ပါတယ်။

ဒါ့အပြင် ကျောင်းသားခေါင်းဆောင် ကိုကိုကြီးနဲ့ သံဃာ့အရေးအခင်း ဦးဆောင်ဆရာတော် ဦးဂမ္ဘီရ တို့ကိုလည်း အီတလီနိုင်ငံ၊ ရောမမြို့နဲ့ ဘရူဂဲရီးယိုးမြို့တို့က ဂုဏ်ထူးဆောင် မြို့သားဆုတွေကို လာမယ့်အင်္ဂါနေ့မှာ အသီးသီး ချီးမြှင့်ဖို့ရှိပါတယ်။ ဒီဆုပေးပွဲတွေကိုလည်း အဲဒီမြို့တွေရဲ့ မြို့တော်ဝန်တွေ ကိုယ်တိုင် တက်ရောက် ဆုချီးမြှင့်မယ်လို့ သိရပါတယ်။



Read More...

Monday, October 13, 2008

Su Su Nway refuses for medical treatment

စုစုနွေး အင်းစိန်ထောင်မှာ ဆေးကုသမှုခံယူဖို့ ငြင်းဆန် ဆန္ဒပြနေ
RFA 2008-10-10

အင်းစိန်ထောင်မှာ ထိန်းသိမ်းခံထားရတဲ့ မစုစုနွေးဟာ အောက်တိုဘာ ၈ရက် ပြီးခဲ့တဲ့ ဗုဒ္ဓဟူးနေ့က ရုံးထုတ်ရာမှာ တရားရုံးကို ရောက်မလာခဲ့ဘူးလို့ မစုစုနွေးရဲ့ရှေ့နေ ဒေါ်ခင်ဌေးကြွယ်က ပြောပါတယ်။
မြန်မာနိုင်ငံ လူ့အခွင့်အရေးနှင့် ဒီမိုကရေစီရေးအတွက် လှုပ်ရှားဆောင်ရွက်နေသူ မစုစုနွေး ယခင်တကြိမ် ထောင်မှ လွတ်လာပြီး ၂ဝဝ၇နှစ် ဇွန်လ ၈ရက်နေ့က ဆေးရုံပေါ်တွင် တွေ့ရပုံ ဖြစ်ပါသည်။ (Photo: AFP)

ကျန်းမာရေးမကောင်းတဲ့ မစုစုနွေးဟာ အာဏာပိုင်တွေရဲ့ ထိန်းချုပ်ကန့်သတ်မှုတွေကို ဆန့်ကျင်ပြီး ထောင်တွင်းမှာ ဆေးကုသမှု ခံယူဖို့ ငြင်းဆန် ဆန္ဒပြနေတယ်လို့လည်း သူ့အစ်မဖြစ်သူ မဌေးဌေးကြည်က ပြောပါတယ်။

မဌေးဌေးကြည်ဟာ လုပ်အားပေးကိစ္စတခုကို ILO ကို သွားရောက်တိုင်တန်းခဲ့မှုနဲ့ ပတ်သက်ပြီး အာဏာပိုင်တွေ သိရှိသွားတာကြောင့် လွန်ခဲ့တဲ့ နှစ်လကျော်ကစလို့ မစုစုနွေးနဲ့ ထောင်ဝင်စာ တွေ့ခွင့် ပိတ်ပင်ခံထားရပါတယ်။

Read More...

Wednesday, October 8, 2008

su su nway doesn't show up at the prison court

မစုစုနွေး ရုံးထုတ် မထွက်ရောက်နိုင်
ကိုထွေး | အောက်တိုဘာ ၈၊ ၂၀၀၈

စစ်အစိုးရက ဖမ်းဆီးထားသည့် လူ့အခွင့်အရေးလှုပ်ရှားသူ မစုစုနွေးသည် အင်းစိန်ထောင်တွင်း သီးသန့် တရား ရုံးတွင် ယနေ့ ရုံးထုတ်ရာသို့ ထွက်ရောက်နိုင်ခြင်းမရှိကြောင်း သိရသည်။

ယခုကဲ့သို့ မစုစုနွေး တရားရုံးသို့ ထွက်ရောက်နိုင်ခြင်းမရှိသည်မှာ ၎င်းအား အာဏာပိုင်များက ထောင်ဝင်စာ မပေး၍ တွေ့ခွင့်မရခြင်းကြောင့် ဖြစ်နိုင်ကြောင်း အစ်မဖြစ်သူမဌေးဌေးကြည်က ပြောသည်။

မဌေးဌေးကြည်က“ရှေ့နေ အန်တီဒေါ်ခင်ဌေးကြွယ်က ညီမလေးရုံးမထွက်လာဘူး လို့ပြောတယ်၊ တနင်းလာနေ့ ကျမ ထောင်ဝင်စာသွားတွေ့လို့မှ တွေခွင့်မရရင် ဗုဒ္ဓဟူးနေ့ရုံးထုတ်ရင် မထွက်ဘူးလို့တော့ အရင်အပတ်က သူမှာထားဖူးတယ်၊ အခု အဲဒါကြောင့်နေမှာပါ”ဟု ပြောသည်။

မစုစုနွေးသည် အစ်မဖြစ်သူနှင့် တွေခွင့်မရသည့်အတွက် အစားအသောက်ကအစ ဒုက္ခရောက်ကြောင်း၊ ကျန်းမာရေးလည်း မကောင်းကြောင်းကို ယခင်သီတင်းပတ်ရုံးထုတ်စဉ်က တရားရုံးတွင် ကိုယ်တိုင် လျှောက် တင်ထားခဲ့သည်။

မစုစုနွေး၏ရှေ့နေ ဒေါ်ခင်ဌေးကြွယ်က “စုစုနွေး ဒီနေ့ရုံးကိုမလာပါဘူး၊ ဘာကြောင့်လဲဆိုတဲ့ အသေးစိတ်ကို တော့မသိရ သေးဘူး၊ နောက်ရုံးချိန်းကတော့ ၁၅ ရက်နေ့မှာ ပြန်ချိန်းထားပါတယ်”ဟု ပြောသည်။

မစုစုနွေးအား ပထမ ဦး စွာပုဒ်မ ၁၂၄ (က)၊ ၁၃၀ (ခ)၊ ၅၀၅(ခ)/၃၄များဖြင့် စွဲဆိုကြောင်း၊ ၎င်းနောက် ပုဒ်မ ၁၂၄(က)အား နိုင်ငံတော်က ဖြုတ်လိုက်ကြောင်းနှင့် ၎င်းနောက်ပုဒ်မ ၁၅၂၊ ၁၃၀(ခ)၊ ၅၀၅(ခ) များဖြင့်ထပ်မံ စွဲဆိုခဲ့ရာရှေ့နေများက ကန့်ကွက်ထားကြောင်း၊ ယင်းအမှု တခုစီအတွက် တရားလိုသက်သေ ၅ ဦးစီ ခေါ်ရန် အာဏာပိုင်များ၏ အစီအစဉ်ကိုလည်း ကန့်ကွက်ရန်ရှိကြောင်း ရှေ့နေဒေါ်ဌေးကြွယ်က ပြောသည်။

မစုစုနွေး၏ လည်ပင်းအကျိတ်ပေါက်နေသည်ကို ဆေးကုသခွင့်တောင်းခံရာ အာဏာပိုင်များက ခွင့်မပြုသဖြင့် မစုစုနွေးက ဆေးကုသခွင့်ခံယူမည်မဟုတ်ကြောင်းသိရသည်ဟုလည်း မဌေးဌေးကြည်က ပြောဆိုသည်။

မစုစုနွေးသည် ၂၀၀၇ ခုနှစ် နိုဝင်ဘာလ ၁၃ ရက်နေ့ နံနက်ပိုင်းက အာဏာပိုင်တို့စိုက်ထူထားသည့် “အမေရိကန် အားကိုး ပုဆိန်ရိုး၊ အဆိုးမြင်ဝါဒီများအား ဆန့်ကျင်ကြ” ဟုသည့်ဆိုင်းဘုတ်တွင် စစ်အစိုးရ ဆန့်ကျင်ရေး ပိုစတာချိတ်စွဲစဉ် အဖမ်းခံ ရခြင်း ဖြစ်သည်။ ရက်ပိုင်းအတွင်း၌ ဖမ်းဆီးခံထားရသည့် ဗဟန်းမြို့နယ် ရဲစခန်းတွင် အစာငတ်ခံ ဆန္ဒပြခဲ့သေးသည်။

မစုစုနွေး၏ အမှုကို တရားရုံးချုပ်ရှေ့နေကြီးများဖြစ်ကြသော ဦးကြည်ဝင်း၊ ဦးမြင့်သောင်းနှင့် ဒေါ်ခင်ဌေးကြွယ် တို့က လိုက်ပါ ဆောင်ရွက်ပေးလျှက်ရှိသည်။

မစုစုနွေးမှာ မွေးရာပါ နှလုံးရောဂါနှင့် လေးဘက်နာရောဂါတို့ကို ခံစားနေရသူဖြစ်ပြီး ရှောင်တိမ်းနေရစဉ်ကာလအတွင်း ခွဲစိတ်ကုသမှု တကြိမ်ပြုလုပ်ခဲ့ရသည်။

မစုစုနွေးအား ကနေဒါနိုင်ငံအခြေစိုက် လူ့အခွင့်အရေးနှင့် ဒီမိုကရေစီအဖွဲ့၏ ဆုရွေးချယ်ရေးအဖွဲ့က ဂျွန်ဟမ်းဖရေး လွတ်လပ်ရေးဆု (John Humphrey Freedom Award) ၂၀၀၆ ကို ရွေးချယ်ချီးမြှင့် ခဲ့ဖူးသည်။
အဓမ္မလုပ်အားပေးခိုင်းစေမှုနှင့် အဓမ္မငွေကြေးကောက်ခံမှုများကြောင့် မစုစုနွေးသည် သူမနေထိုင်ရာ ရန်ကုန်တိုင်း ကော့မှူး မြို့နယ် ထန်းမနိုင်ကျေးရွာ၏ ရယက ဥက္ကဌနှင့် ဆယ်အိမ်မှူးများကို တရားစွဲဆိုခဲ့ရာ အာဏာပိုင်တို့အား ခြိမ်းခြောက်ကြိမ်းဝါး သည်ဟူသည့် စွပ်စွဲချက်ဖြင့် ၂၀၀၅ ခုနှစ် အောက်တိုဘာလတွင် ပထမအကြိမ် အဖမ်းခံရသည်။ ၎င်းအား ထောင်ဒဏ် တနှစ်ခွဲချမှတ်ခဲ့ရာ ၇ လ အကြာတွင် ပြန်လည် လွတ်မြောက်ခဲ့သည်။

Read More...