su su nway was honored by Agrate city council

၂ဝဝ၇ ခုနှစ်၊ သြဂုတ်လ ၂၈ ရက်နေ့က လူ့အခွင့်အရေး၊ အလုပ်သမားအခွင့်အရေး လှုပ်ရှားသူ မစုစုနွေး (ဒု-ယာ) ကို လောင်စာဆီဈေးနှုန်းနှင့် ကုန်ဈေးနှုန်းကျဆင်းရေး တောင်းဆိုမှုတွင် တွေ့မြင်ရစဉ် မှတ်တမ်းပုံဖြစ်ပါသည်။ (Photo: RFA)

လူ့အခွင့်အရေးလှုပ်ရှားသူ မစုစုနွေး အီတလီ ဂုဏ်ထူးဆောင်မြို့သားဆုရရှိ
RFA 2008-10-26

အင်းစိန်ထောင်မှာ ဖမ်းဆီးထိမ်းသိမ်းခံနေရတဲ့ လူ့အခွင့်အရေးလှုပ်ရှားသူ မစုစုနွေးကို အီတလီနိုင်ငံ၊ Agrate မြို့က ဂုဏ်ထူးဆောင်မြို့သားဆု ချီးမြှင့်လိုက်ပါတယ်။
မြို့တော်ဝန်ကိုယ်တိုင် ဆုပေးအပ်တဲ့ ဒီဆုချီးမြှင့်ပွဲကို စနေနေ့ မနက်ပိုင်းက Agrate မြို့မှာ ကျင်းပခဲ့တာဖြစ်ပြီး အီတလီနိုင်ငံရှိ ယူရို၊ ဘားမားရုံး၊ ဒုတိယ ညွှန်ကြားရေးမှူး ဦးဇော်မင်းက ဆုလက်ခံရယူခဲ့ပါတယ်။

ခုလို မစုစုနွေးကို ဂုဏ်ထူးဆောင်နိုင်ငံသားဆု ချီးမြှင့်လိုက်တာနဲ့ ပတ်သက်ပြီး ဦးဇော်မင်းက RFA ကို အခုလို ပြောပြပါတယ်။

ဦးဇော်မင်း။ ။ "ဒီနေ့မနက် ၁ဝနာရီမှာ မြို့တော်ဝန်ကနေပြီး စုစုနွေးအတွက် ဂုဏ်ထူးဆောင်နိုင်ငံသားဆု ပေးတာပါ၊ မြို့တော်ဝန်၊ ဒုတိယမြို့တော်ဝန်နဲ့ ကောင်စီအဖွဲ့ဝင် ၅ဝ ကျော်လောက် တက်ရောက်ခဲ့ပါတယ်။ သူ့ရဲ့လုပ်ကိုင်ခဲ့တဲ့ဟာတွေ အသိမှတ်ပြုတဲ့သဘောပေါ့။"

အလားတူပဲ အီတလီနိုင်ငံ Bologna မြို့မှာ ပြီးခဲ့တဲ့ ကြာသပတေးနေ့က ဒေါ်အောင်ဆန်းစုကြည်ကို ဂုဏ်ထူးဆောင်မြို့သားဆုကို ချီးမြှင့်ခဲ့တာ RFA က ထုတ်လွှင့်ခဲ့ပြီးဖြစ်ပါတယ်။

ဒါ့အပြင် ကျောင်းသားခေါင်းဆောင် ကိုကိုကြီးနဲ့ သံဃာ့အရေးအခင်း ဦးဆောင်ဆရာတော် ဦးဂမ္ဘီရ တို့ကိုလည်း အီတလီနိုင်ငံ၊ ရောမမြို့နဲ့ ဘရူဂဲရီးယိုးမြို့တို့က ဂုဏ်ထူးဆောင် မြို့သားဆုတွေကို လာမယ့်အင်္ဂါနေ့မှာ အသီးသီး ချီးမြှင့်ဖို့ရှိပါတယ်။ ဒီဆုပေးပွဲတွေကိုလည်း အဲဒီမြို့တွေရဲ့ မြို့တော်ဝန်တွေ ကိုယ်တိုင် တက်ရောက် ဆုချီးမြှင့်မယ်လို့ သိရပါတယ်။

Read More...

Summary only...

Su Su Nway refuses for medical treatment

စုစုနွေး အင်းစိန်ထောင်မှာ ဆေးကုသမှုခံယူဖို့ ငြင်းဆန် ဆန္ဒပြနေ
RFA 2008-10-10

အင်းစိန်ထောင်မှာ ထိန်းသိမ်းခံထားရတဲ့ မစုစုနွေးဟာ အောက်တိုဘာ ၈ရက် ပြီးခဲ့တဲ့ ဗုဒ္ဓဟူးနေ့က ရုံးထုတ်ရာမှာ တရားရုံးကို ရောက်မလာခဲ့ဘူးလို့ မစုစုနွေးရဲ့ရှေ့နေ ဒေါ်ခင်ဌေးကြွယ်က ပြောပါတယ်။
မြန်မာနိုင်ငံ လူ့အခွင့်အရေးနှင့် ဒီမိုကရေစီရေးအတွက် လှုပ်ရှားဆောင်ရွက်နေသူ မစုစုနွေး ယခင်တကြိမ် ထောင်မှ လွတ်လာပြီး ၂ဝဝ၇နှစ် ဇွန်လ ၈ရက်နေ့က ဆေးရုံပေါ်တွင် တွေ့ရပုံ ဖြစ်ပါသည်။ (Photo: AFP)

ကျန်းမာရေးမကောင်းတဲ့ မစုစုနွေးဟာ အာဏာပိုင်တွေရဲ့ ထိန်းချုပ်ကန့်သတ်မှုတွေကို ဆန့်ကျင်ပြီး ထောင်တွင်းမှာ ဆေးကုသမှု ခံယူဖို့ ငြင်းဆန် ဆန္ဒပြနေတယ်လို့လည်း သူ့အစ်မဖြစ်သူ မဌေးဌေးကြည်က ပြောပါတယ်။

မဌေးဌေးကြည်ဟာ လုပ်အားပေးကိစ္စတခုကို ILO ကို သွားရောက်တိုင်တန်းခဲ့မှုနဲ့ ပတ်သက်ပြီး အာဏာပိုင်တွေ သိရှိသွားတာကြောင့် လွန်ခဲ့တဲ့ နှစ်လကျော်ကစလို့ မစုစုနွေးနဲ့ ထောင်ဝင်စာ တွေ့ခွင့် ပိတ်ပင်ခံထားရပါတယ်။

Read More...

Summary only...

su su nway doesn't show up at the prison court

မစုစုနွေး ရုံးထုတ် မထွက်ရောက်နိုင်
ကိုထွေး | အောက်တိုဘာ ၈၊ ၂၀၀၈

စစ်အစိုးရက ဖမ်းဆီးထားသည့် လူ့အခွင့်အရေးလှုပ်ရှားသူ မစုစုနွေးသည် အင်းစိန်ထောင်တွင်း သီးသန့် တရား ရုံးတွင် ယနေ့ ရုံးထုတ်ရာသို့ ထွက်ရောက်နိုင်ခြင်းမရှိကြောင်း သိရသည်။

ယခုကဲ့သို့ မစုစုနွေး တရားရုံးသို့ ထွက်ရောက်နိုင်ခြင်းမရှိသည်မှာ ၎င်းအား အာဏာပိုင်များက ထောင်ဝင်စာ မပေး၍ တွေ့ခွင့်မရခြင်းကြောင့် ဖြစ်နိုင်ကြောင်း အစ်မဖြစ်သူမဌေးဌေးကြည်က ပြောသည်။

မဌေးဌေးကြည်က“ရှေ့နေ အန်တီဒေါ်ခင်ဌေးကြွယ်က ညီမလေးရုံးမထွက်လာဘူး လို့ပြောတယ်၊ တနင်းလာနေ့ ကျမ ထောင်ဝင်စာသွားတွေ့လို့မှ တွေခွင့်မရရင် ဗုဒ္ဓဟူးနေ့ရုံးထုတ်ရင် မထွက်ဘူးလို့တော့ အရင်အပတ်က သူမှာထားဖူးတယ်၊ အခု အဲဒါကြောင့်နေမှာပါ”ဟု ပြောသည်။

မစုစုနွေးသည် အစ်မဖြစ်သူနှင့် တွေခွင့်မရသည့်အတွက် အစားအသောက်ကအစ ဒုက္ခရောက်ကြောင်း၊ ကျန်းမာရေးလည်း မကောင်းကြောင်းကို ယခင်သီတင်းပတ်ရုံးထုတ်စဉ်က တရားရုံးတွင် ကိုယ်တိုင် လျှောက် တင်ထားခဲ့သည်။

မစုစုနွေး၏ရှေ့နေ ဒေါ်ခင်ဌေးကြွယ်က “စုစုနွေး ဒီနေ့ရုံးကိုမလာပါဘူး၊ ဘာကြောင့်လဲဆိုတဲ့ အသေးစိတ်ကို တော့မသိရ သေးဘူး၊ နောက်ရုံးချိန်းကတော့ ၁၅ ရက်နေ့မှာ ပြန်ချိန်းထားပါတယ်”ဟု ပြောသည်။

မစုစုနွေးအား ပထမ ဦး စွာပုဒ်မ ၁၂၄ (က)၊ ၁၃၀ (ခ)၊ ၅၀၅(ခ)/၃၄များဖြင့် စွဲဆိုကြောင်း၊ ၎င်းနောက် ပုဒ်မ ၁၂၄(က)အား နိုင်ငံတော်က ဖြုတ်လိုက်ကြောင်းနှင့် ၎င်းနောက်ပုဒ်မ ၁၅၂၊ ၁၃၀(ခ)၊ ၅၀၅(ခ) များဖြင့်ထပ်မံ စွဲဆိုခဲ့ရာရှေ့နေများက ကန့်ကွက်ထားကြောင်း၊ ယင်းအမှု တခုစီအတွက် တရားလိုသက်သေ ၅ ဦးစီ ခေါ်ရန် အာဏာပိုင်များ၏ အစီအစဉ်ကိုလည်း ကန့်ကွက်ရန်ရှိကြောင်း ရှေ့နေဒေါ်ဌေးကြွယ်က ပြောသည်။

မစုစုနွေး၏ လည်ပင်းအကျိတ်ပေါက်နေသည်ကို ဆေးကုသခွင့်တောင်းခံရာ အာဏာပိုင်များက ခွင့်မပြုသဖြင့် မစုစုနွေးက ဆေးကုသခွင့်ခံယူမည်မဟုတ်ကြောင်းသိရသည်ဟုလည်း မဌေးဌေးကြည်က ပြောဆိုသည်။

မစုစုနွေးသည် ၂၀၀၇ ခုနှစ် နိုဝင်ဘာလ ၁၃ ရက်နေ့ နံနက်ပိုင်းက အာဏာပိုင်တို့စိုက်ထူထားသည့် “အမေရိကန် အားကိုး ပုဆိန်ရိုး၊ အဆိုးမြင်ဝါဒီများအား ဆန့်ကျင်ကြ” ဟုသည့်ဆိုင်းဘုတ်တွင် စစ်အစိုးရ ဆန့်ကျင်ရေး ပိုစတာချိတ်စွဲစဉ် အဖမ်းခံ ရခြင်း ဖြစ်သည်။ ရက်ပိုင်းအတွင်း၌ ဖမ်းဆီးခံထားရသည့် ဗဟန်းမြို့နယ် ရဲစခန်းတွင် အစာငတ်ခံ ဆန္ဒပြခဲ့သေးသည်။

မစုစုနွေး၏ အမှုကို တရားရုံးချုပ်ရှေ့နေကြီးများဖြစ်ကြသော ဦးကြည်ဝင်း၊ ဦးမြင့်သောင်းနှင့် ဒေါ်ခင်ဌေးကြွယ် တို့က လိုက်ပါ ဆောင်ရွက်ပေးလျှက်ရှိသည်။

မစုစုနွေးမှာ မွေးရာပါ နှလုံးရောဂါနှင့် လေးဘက်နာရောဂါတို့ကို ခံစားနေရသူဖြစ်ပြီး ရှောင်တိမ်းနေရစဉ်ကာလအတွင်း ခွဲစိတ်ကုသမှု တကြိမ်ပြုလုပ်ခဲ့ရသည်။

မစုစုနွေးအား ကနေဒါနိုင်ငံအခြေစိုက် လူ့အခွင့်အရေးနှင့် ဒီမိုကရေစီအဖွဲ့၏ ဆုရွေးချယ်ရေးအဖွဲ့က ဂျွန်ဟမ်းဖရေး လွတ်လပ်ရေးဆု (John Humphrey Freedom Award) ၂၀၀၆ ကို ရွေးချယ်ချီးမြှင့် ခဲ့ဖူးသည်။
အဓမ္မလုပ်အားပေးခိုင်းစေမှုနှင့် အဓမ္မငွေကြေးကောက်ခံမှုများကြောင့် မစုစုနွေးသည် သူမနေထိုင်ရာ ရန်ကုန်တိုင်း ကော့မှူး မြို့နယ် ထန်းမနိုင်ကျေးရွာ၏ ရယက ဥက္ကဌနှင့် ဆယ်အိမ်မှူးများကို တရားစွဲဆိုခဲ့ရာ အာဏာပိုင်တို့အား ခြိမ်းခြောက်ကြိမ်းဝါး သည်ဟူသည့် စွပ်စွဲချက်ဖြင့် ၂၀၀၅ ခုနှစ် အောက်တိုဘာလတွင် ပထမအကြိမ် အဖမ်းခံရသည်။ ၎င်းအား ထောင်ဒဏ် တနှစ်ခွဲချမှတ်ခဲ့ရာ ၇ လ အကြာတွင် ပြန်လည် လွတ်မြောက်ခဲ့သည်။

Read More...

Summary only...

su su nway on the strike

မစုစုနွေး မိသားစုနှင့် တွေ့ဆုံခွင့်ရရန် ထောင်တွင်း ဆန္ဒပြ
ဖနိဒါ (Mizzima)
သောကြာနေ့၊ စက်တင်ဘာလ 19 2008 21:54 - မြန်မာစံတော်ချိန်

ချင်းမိုင်။ ။ အင်းစိန်ထောင်အတွင်း အကျဉ်းကျခံနေရသည့် လူ့အခွင့်အရေး လှုပ်ရှားသူ မစုစုနွေးသည် မိသားစုဝင်များနှင့် တွေ့ဆုံခွင့်ရရန် တောင်းဆိုသည့် အနေဖြင့် ထောင်တွင်း အစားအစာ လက်မခံ ငြင်းပယ် ဆန္ဒပြနေခဲ့သည်မှာ စုစုပေါင်း ၉ ရက်ကြာခဲ့ပြီ ဖြစ်သည်။

တလကျော်ကြာ မိသားစုဝင်များနှင့် တွေ့ဆုံခွင့် မရခဲ့သည့် မစုစုနွေးသည် စက်တင်ဘာလ ၁၁ ရက်နေ့မှ စတင်ကာ ထောင်အတွင်း ကျွေးမွေးသည့် အစားအစာများကို လက်မခံ ငြင်းပယ် ဆန္ဒပြနေကြောင်း မစုစုနွေး အမဖြစ်သူ မဌေးဌေးကြည် မှ မဇ္ဈိမကို ယခုလိုပြောသည်။

"ရှေ့နေနဲ့ စကားပါးလိုက်တယ်။ အမနဲ့ မတွေ့ရမချင်း လက်မခံဘူးလို့ ပြောတယ်။ ကျမနဲ့ မိသားစုကို ပေးမတွေ့တဲ့အပြင် ကျမမှာလဲ ဘာအပြစ်မှ မရှိဘူး။ အဲဒါတွေကို မရလို့ဆိုပြီး သူ (စုစုနွေး) က ရေနွေးတောင် လက်မခံဘူး ပြောတယ်။ ကျမနဲ့ မတွေ့တာက ကြာပြီ။ ဒီနေ့အထိဘဲ။ ဆေးနဲ့ ပစ္စည်းကို ထောင်ဘူးဝမှာ ပေးထားခဲ့ရတယ်" ဟု မစုစုနွေး၏ အမဖြစ်သူ မဌေးဌေးကြည်က ပြောသည်။

အင်းစိန်ထောင် အာဏာပိုင်များထံ မစုစုနွေး နှင့်တွေ့ဆုံခွင့်ပေးရန် အစ်မဖြစ်သူ မဌေးဌေးကြည်မှ တောင်းဆိုစာ တင်သွင်းခဲ့သော်လည်း အာဏာပိုင်များမှ တစုံတရာ တုန့်ပြန်ခဲ့ခြင်း မရရှိခဲ့ပေ။

ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကွင်တန်နာ မှ နိုင်ငံရေး အကျဉ်းသားများနှင့် တွေ့ဆုံခဲ့ရာ မစုစုနွေးလည်း ပါဝင်ခဲ့သည်။

လွန်ခဲ့သည့် ဇူလိုင်လအတွင်းက မစုစုနွေးသည် ထောင်ဝန်ထမ်းများနှင့် ထောင်တွင်း တင်းကြပ်မှုကို ဆန့်ကျင် ပြောဆိုခဲ့သည့်အတွက် ထောင်ဝန်ထမ်းများနှင့် စကား အချေအတင် ဖြစ်ခဲ့ရာ ၂ ပတ်ကြာ တိုက်ပိတ်ခံခဲ့ရသည်။

၂ဝဝ၇ ခုနှစ် နိုဝင်ဘာလ ၁၄ ရက်နေ့တွင် မြရိပ်ညို ဟိုတယ်ရှေ့တွင် စစ်အစိုးရ ဆန့်ကျင်ရေး စာတမ်း ချိတ်ဆွဲခဲ့သည့် မစုစုနွေးအား အာဏာပိုင်များက ဖမ်းဆီး ထိမ်းသိမ်းခဲ့ကာ နိုင်ငံတော် ငြိမ်ဝပ်ပိပြားရေးကို ပျက်ပြားစေရန် လှုံ့ဆော်မှု၊ လူစုလူဝေးတွင် ပါဝင်မှု နှင့် အစိုးရကို အကြည်ညို ပျက်စေမှု စသည့် ပုဒ်မများတပ်ကာ တရားစွဲဆိုထားသည်။

လွန်ခဲ့သည့် စက်တင်ဘာလ ၁၇ ရက်တွင် မစုစုနွေးအား တရားရုံးထုတ် အမှုစစ်ဆေးရန် သတ်မှတ်ရက် ဖြစ်သော်လည်း ရုံးထုတ်ခြင်းမရှိဘဲ ရမန်ရက်သာ ပေးခဲ့သည်။

လူ့အခွင့်အရေး တောင်းဆို တိုက်ပွဲဝင်ခဲ့သည့် ကော့မူးမြို့နယ် ထန်းမနိုင်ရွာသူ မစုစုနွေးအား ကနေဒါ အခြေစိုက် “လူ့အခွင့်အရေးနှင့် ဒီမိုကရေစီ” အဖွဲ့မှ ချီးမြှင့်ခဲ့သည့် ၂ဝဝ၆ ခုနှစ် ဂျွန်ဟမ်ဖရေး လွတ်လပ်ခွင့် ဆုကို ရရှိခဲ့သည့်အပြင်၊ ၂ဝဝ၇ ခုနှစ်တွင် ချက်သမတ နိုင်ငံအခြေစိုက် the People-in-Need အဖွဲ့မှ ချီးမြှင့်ခဲ့သည့် 'Homo Homini Award' ဆုကို ရရှိခဲ့သည်။

Read More...

Summary only...

no famiy visit

အထိန်းသိမ်းခံနေရသည့် မစုစုနွေး မိသားစုနှင့် တွေ့ခွင့်မရ

VOA 14 August 2008

မြန်မာနိုင်ငံတွင်း ဖမ်းဆီးထိန်းသိမ်းခံထားရတဲ့ နိုင်ငံရေး တက်ကြွလှုပ်ရှားသူ မစုစုနွေးဟာ သူ့ရဲ့ မိသားစုဝင်တွေနဲ့ တွေ့ခွင့်မရဘဲ ဖြစ်နေတယ်လို့ သိရပါတယ်။ ဗွီအိုရဲ့ ထိုင်းအခြေစိုက် သတင်းထောက် မအေးအေးမာ က သတင်းပေးပို့ထားပါတယ်။


လူ့အခွင့်အရေး လှုပ်ရှားသူ မစုစုနွေးကို မိသားစုနဲ့ ထောင်ဝင်စာ ပိတ်ပင်ထားခြင်းနဲ့ သြဂုတ်လ ၁၃ ရက်နေ့ ရုံးထုတ်ချိန်မှာလည်း မိသားစု နဲ့ တွေ့ခွင့်မပေးတဲ့အကြောင်း အစ်မဖြစ်သူ မဌေးဌေးကြည် က အခုလို ပြောပြပါတယ်။

“ထောင်ဝင်စာတွေ့တာ တပတ်တခါ တွေ့တာလေ။ အခု နှစ်ပတ် ရှိသွားပြီ သူနဲ့ မတွေ့ရတာ။ ကျမကို တွေ့ခွင့်ကို မပေးတာ။ အဲဒါ ဘာကြောင့် တွေ့ခွင့်မပေးတာလဲ ဆိုတော့ မဌေးဌေးကြည် လာတွေ့လို့ တွေ့ခွင့်မပေးတာ တဲ့။ အဲဒါကြောင့် ကျမက ဘာကြောင့်လဲ လို့၊ ကျမက အိမ်ထောင်စု ဇယားနဲ့ အပြည့်အစုံ မိသားစုဝင်တယောက် အနေနဲ့ လာတွေ့နေတာ။ တွေ့နေတာလည်း ကြာနေပြီ။ အခုမှ ဘာကြောင့် မတွေ့ရတာလဲ လို့ ကျမ က မေးတော့ ကျနော်တို့ မသိရပါဘူးတဲ့။ မသိရဘူး ဆိုတော့ ဘယ်သူက အမိန့်ထုတ်ထားတာလဲ။ အမိန့်ထုတ်ထားတဲ့စာကို ကျမကိုပေး လို့ ပြောတော့ သူတို့က မပြောဘူး။ မပြောတော့ ကျမ က ထောင်ပိုကြီး ဦးမျိုးခင် ကိုယ်တိုင်က ထုတ်ထားတာလား ဆိုတော့ ဟုတ်တယ်လို့ ပြောတာပဲ။”

သူမရဲ့ ရှေ့နေဖြစ်သူ ဦးမြင့်သောင်း ကတော့ မစုစုနွေးကို ရုံးထုတ်ချိန်မှာ တွေ့ခွင့်ရခဲ့ပြီး မစုစုနွေးရဲ့ ပြောကြားချက် တွေကိုလည်း အခုလို ပြောပြပါတယ်။

“ကျနော်တို့ ၁ ရက်နေ့ နောက်ပိုင်းက စပြီးတော့ သူ့ကို ကျန်းမာရေး ဆေးကုသခွင့် မပေးဘူးလို့ ပြောတယ်။ အဲတော့ သူက နှလုံးရောဂါသည် လည်း ဖြစ်တဲ့အတွက်ကြောင့် မိုလို့ သူ့ကို အခုလို စိတ်အနှောက်အယှက် ဖြစ်အောင် လုပ်တာကလည်း သူ့ကို ကျန်းမာရေး ဆိုးရွားအောင် လုပ်တဲ့အတွက်ကြောင့် ဒါဟာလည်း သူ့အနေနဲ့ မခံမရပ်နိုင် ဖြစ်တယ်။ နောက် ဒီကိစ္စအတွက် ပြည်ထဲရေးကနေပြီးတော့ ပိတ်တယ်၊ အဲဒီဟာအတွက်လည်း စာတင်ပေးပါ ဆိုပြီးတော့ ကျနော်တို့ကို မှာလိုက်တယ်ခင်ဗျ။ သူ့အနေနဲ့ကတော့ သူကိုယ်တိုင်လည်း လူ့အခွင့်အရေး ချိုးဖောက်ခံရတယ်။ သူ့မိသားစုလည်း လူ့အခွင့်အရေး ချိုးဖောက်ခံရတယ်။ နောက် သူ့ ကျန်းမာရေးကလည်း အချိန်မရွေး သူ အသက် အန္တရာယ် ရှိတယ်။ အဲဒီတော့ သူ့အနေနဲ့ကတော့ ဒီ လူ့အခွင့်အရေး ချိုးဖောက်တဲ့ကိစ္စကို တောင်မှ သူ ကင်တားနားနဲ့ တွေ့တာတောင်မှ ကိုယ့်ရဲ့ မြန်မာပြည်အကြောင်းကို ပြောရတာ အင်မတန်မှ ရှက်တယ် ဆိုတဲ့အကြောင်း ကျနော်တို့ကိုတော့ လူသိရှင်ကြား ပြောတယ်ခင်ဗျ။”

မစုစုနွေးဟာ ပုဒ်မ (၁၄၃)၊ ပုဒ်မ (၁၄၇/ က) နဲ့ ရုန်းရင်းဆန်ခတ် ဖြစ်အောင် လုပ်မှု၊ ပုဒ်မ (၁၂၄/က) နိုင်ငံတော်အား အကြည်ညိုပျက်အောင်လုပ်မှု၊ ပုဒ်မ (၁၃၀/ခ) နိုင်ငံခြား တိုင်းပြည်အား ထိခိုက်မှု၊ ပုဒ်မ (၅၀၅/ခ) ပြည်သူကို ထိတ်လန့်အောင် ခြိမ်းခြောက်မှုတွေ နဲ့ ဆွဲချက်တင် ခံထားရပြီး ရုံးထုတ်စစ်ဆေးနေတာလည်း ဖြစ်ပါတယ်။

မစုစုနွေးဟာ မြန်မာနိုင်ငံတွင်းက ထင်ရှားတဲ့ နိုင်ငံရေး လှုပ်ရှားသူ တဦးဖြစ်တာကြောင့် မိုလို့ ပြီးခဲ့တဲ့အပတ်အတွင်းက
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ ကင်တားနား မြန်မာနိုင်ငံကို လာရောက်စဉ် မှာလည်း နိုင်ငံရေး အကျဉ်းသားတွေနဲ့ တွေ့ဆုံတဲ့အခါမှာ မစုစုနွေးကိုလည်း တွေ့ဆုံခဲ့ပါတယ်။

Read More...

Summary only...

Homo Momini award

မြန်မာအမျိုးသမီးများကို ချက်နိုင်ငံမှ ဆုချီးမြှင့်
ကျော်ထင် / ၅ မတ် ၂၀၀၈

ဒီမီုကရေစီနှင့် လူ့အခွင့်အရေး လှုပ်ရှားမှုတွင် လူသိများသော မြန်မာအမျိုးသမီးများ ဖြစ်ကြသည့် မစုစုနွေး၊ မနီလာသိန်းနှင့် မဖြူဖြူသင်းတို့ကို ချက်သမ္မတနိုင်ငံ people in need အဖွဲ့မှ ၂၀၀၇ ခုနှစ်အတွက် Homo Momini ဆုကို ချီးမြှင့်လိုက်သည်။

ချက်နိုင်ငံ Pregue မြို့တွင် ယနေ့ပြုလုပ်မည့် နိုင်ငံတကာ ရုပ်ရှင်ပွဲတော်၌ ပေးအပ်မည့် ဆုရရှိ သူများကိုယ်စား ဆုကို နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) အေအေပီပီ-ဘီမှ ကိုယ်စားလှယ်တဦးက လက်ခံရယူမည်ဟု သိရသည်။

မစုစုနွေးသည် စက်တင်ဘာ လှုပ်ရှားမှုကြောင့် အင်းစိန်ထောင်တွင် ဖမ်းဆီးထိန်းသိမ်း ခံနေ ရဆဲဖြစ်ပြီး မဖြူဖြူသင်းနှင့် မနီလာသိန်းတို့မှာ ယနေ့ထက်ထိ ပြည်တွင်းတွင် တိမ်းရှောင်နေရ ဆဲဖြစ်သည်။

မြန်မာ့အမျိုးသမီးသမဂ္ဂ (ဘီဒဗလျူယူ) ဥက္ကဋ္ဌ မဆူးပွင့်က ယခုကဲသို့ ဆုချီးမြှင့်ခံရခြင်းကြောင့် စစ်အစိုးရ လက်အောက်တွင် ရှိနေသော မြန်မာပြည်သူများဘ၀ကို နိုင်ငံတကာမှ ပိုမို အာရုံ စိုက်လာမည်ဖြစ်ကြောင်းနှင့် အမျိုးသမီးများကို ရွေးထုတ် ဂုဏ်ပြုပေးခြင်းဖြင့် မတရားမှုကို ဆန့်ကျင် တော်လှန်လိုစိတ်များ တိုးပွားလာစေမည်ဟု ပြောသည်။

၎င်းက “မတရားမှုဆိုတာ ဆန့်ကျင်လို့ရပါလား၊ တော်လှန်လို့ရပါလား၊ ငါတို့တွေချည်းပဲ ခံနေရတာမဟုတ်ဘဲနဲ့ နိုင်ငံတကာက ငါတို့ကို အားပေးနေပါလား ဆိုတဲ့စိတ်နဲ့ အင်မတန် အင်အားဖြစ်စေလိမ့်မယ်လို့ ကျမမြင်ပါတယ်” ဟု ပြောသည်။

အေအေပီပီ-ဘီအတွင်းရေးမှူး ဦးတိတ်နိုင်က ဤသို့ ဆုချီးမြှင့်ခံရခြင်းကြောင့် ပြည်တွင်းမှ အမျိုးသမီးများအနေဖြင့် ၎င်းတို့ (၃) ဦးကို စံနမူနာယူပြီး နိုင်ငံရေးတွင် ပိုမိုတက်ကြွစွာ ပါဝင်လာလိမ့်မည်ဟု ပြောသည်။

“လူ့အခွင့်အရေးနှင့် ဒီမိုကရေစီရေးမှာ ကိုယ်ကျိုးမဖက်ဘဲနဲ့ ကိုယ်ကျိုးစွန့်ပြီးတော့ တက် တက်ကြွကြွဆောင်ရွက်နေတယ်။ သူတို့လိုပဲ ဆောင်ရွက်နေတဲ့သူတွေကို နိုင်ငံတကာက နေပြီးတော့ အသိမှတ်ပြုတယ်၊ လေးစားတယ်၊ တန်ဖိုးထားတာကြောင့် ဒီဆုကိုပေးတာ
ဖြစ်တယ်” ဟု ပြောသည်။

ငွေသားဆု မဟုတ်သည့် အဆိုပါဆုကို ဖွံ့ဖြိုးဆဲနိုင်ငံများမှ ဒီမိုကရေစီနှင့် လူ့အခွင့်အရေး လှုပ်ရှားသူများအား ချီးမြှင့်လေ့ရှိပြီး ၂၀၀၀ ပြည့်နှစ်၌ ကျောင်းသားခေါင်းဆောင် မင်းကိုနိုင်အား ချီးမြှင့်ခဲ့သည်။ ။

Read More...

Summary only...

su su nway and bo bo win hlaing were arrested

စစ်အစိုးရ ဆန်‹ကျင်ရေး ပိုစတာကပ်သူ မစုစုနွေးနှင့် ဘိုဘိုဝင်းလှိုင်ကို ဖမ်းမိ
ဒီဗွီဘီ ၊ ၁၃ ၊ နိုဝင်ဘာ ၊ ၂ဝဝ၇

ဒီနေ့ မနက် (၆) နာရီလောက်က ရန်ကုန်တိုင်း၊ ဗဟန်းမြို့နယ်ရှိ မြရိပ်ညို ရွိုင်ရယ် ဟိုတယ်မှာ စစ်အစိုးရ ဆန့်ကျင်ရေး ပိုစတာကပ်တဲ့ မစုစုနွေး အပါအဝင် သုံးဦးအနက် ဘိုဘိုဝင်းလှိုင်ကို အာဏာပိုင်တွေက ဖမ်းမိသွားတယ်လို့ သိရပါတယ်။ ဒါနဲ့ ပတ်သက်ပြီး ဘိုဘိုဝင်းလှိုင်ရဲ့ မိခင် ဒေါ်နီနီလှိုင်က အခုလို ပြောပြထားပါတယ်။

“သူနဲ့ ပါသွားတဲ့ ကလေး တယောက်ကနေပြီးတော့ ပြန်လာ ပြောတယ်လေ။ မနက်ကတုန်းက ပါသွားပြီး မြရိပ်ညို ဟိုတယ် ရှေ့မှာလို့ ပြောတယ်။ အလုပ်တခု သူတို့ အဲဒီမှာ သွားလုပ်ကြတာ။ စာသွားရေး တော့ အဖမ်းခံထိတာတော့ သူတယောက်ထဲလို့ ကြားတယ်။ ကျန်တဲ့ နှစ်ယောက်ကတော့ လွတ်သွားတယ်။ စုစုနွေးနဲ့ ကိုကိုအောင် လွတ်သွားတယ်။ အဲဒါ သူတို့ နှစ်ယောက်ကနေ သတင်းပြန်ပို့လို့ ကျမ ကြားရတာ။ သူ အဲဒါ ဘာရေးတယ်ဆိုတာတော့ ကျမ မသိဘူးလေ။ သားသမီး တယောက်အတွက်တော့ ကျမ ပူပင်သောက ရောက်မိပါတယ်။ ဒါပေမဲ့ ကျမ ဂုဏ်ယူတယ်လေ။ လူအများစုအတွက်ကို လုပ်နေတဲ့အတွက် ကျမတို့ ဂုဏ်ယူပါတယ် သားတို့ အတွက်ကို စိုးရိမ်တာက သူက ကျန်းမာရေးက မကောင်းဘူးလေ။ အရင်တခါလဲ ပြန်ထွက်လာတော့ သူ တော်တော်လေး ကုယူရတယ်။ အခုတခါလဲ ထိတယ်ဆိုတော့ သူ့အတွက် ကျန်းမာရေးအတွက်ပဲ ပူပင်တယ်။ ကျန်တာတော့ ကျမသူ့ကို မိခင် တယောက် အနေနဲ့တော့ သောက ရောက်တယ်။ သူ့အတွက်ကို ကျန်တာတော့ ကျမ မပြောလိုတော့ပါဘူး။”

ဒါကတော့ အခု မနက်ပိုင်းက အဖမ်းဆီးခံလိုက်ရတဲ့ ဘိုဘိုဝင်းလှိုင်ရဲ့ မိခင် ဒေါ်နီနီလှိုင် က ပြောပြသွားတာ ဖြစ်ပါတယ်။ ဒီကနေ့ မနက် ဆောင်ရွက်ခဲ့သူ (၃) ဦးကတော့ လူ့အခွင့်အရေး လှုပ်ရှားသူ မစုစုနွေး၊ ကိုဘိုဘို ဝင်းလှိုင်နဲ့ တက္ကသိုလ်ကျောင်းသား ကိုကိုဝင်းလှိုင်တို့ ဖြစ်ပါတယ်။ ဘိုဘိုဝင်းလှိုင်က ချော်လဲပြီး ဖမ်းဆီးခံခဲ့ရတာလို့ သိရပါတယ်။

အခု အဖမ်းခံရတဲ့ ဘိုဘိုဝင်းလှိုင်ဟာ ရန်ကုန်တိုင်း ဒေါပုံမြို့နယ် အမျိုးသား ဒီမိုကရေစီ အဖွဲ့ချုပ် လူငယ် အဖွဲ့ဝင်တဦး ဖြစ်ပါတယ်။ သူဟာ လှည်းတန်းက လောင်စာဆီ ဈေးနှုန်းကျဆင်းရေး လမ်းလျှောက် ဆန္ဒပြပွဲ တုန်းကလဲ တကြိမ် အဖမ်းခံခဲ့ရပြီး၊ တလလောက် ထိန်းသိမ်းရေး စခန်းတခုမှာ နေထိုင်ခဲ့ရပါတယ်။ ကိုကိုအောင်ကတော့ လမ်းလျှောက် ဆန္ဒပြပွဲနဲ့ ဆက်စပ် ဖမ်းဆီးခံထားရတဲ့ ဒေါပုံမြို့နယ် အဖွဲ့ချုပ် စည်းရုံးရေး ကော်မတီဝင် ဦးကြင်လှိုင်ရဲ့သား ဖြစ်ပါတယ်။ သူ ရှောင်တိမ်း လွတ်မြောက်ခဲ့ပေမဲ့ ကိုကိုအောင် နေထိုင်ရာအိမ်ကို ထောက်လှမ်ရေး ရဲတွေက အခု မနက်ပိုင်းကနေ တောက်လျှောက် လာရောက် ရှာဖွေ နေကြတယ်လို့လဲ ကိုကိုအောင်ရဲ့ မိခင်၊ ကိုကိုအောင်ရဲ့ အဒေါ်ဖြစ်သူ မသန္တာဝင်းက အခုလို ပြောပြပါတယ်။

“ဘာအတွက်ရယ်လို့တော့ မမေးဘူးပေါ့နော်၊ လမ်းထဲကလူကို မေးတယ်။ ကိုကိုအောင်ကို သိလားပေါ့။ လမ်းထဲကလူကို မေးတယ်။ ချိန်းထားတဲ့ လူတယောက်က ခေါ်ခိုင်းလို့ လို့ အဲဒီလိုပြောတယ်။ အဲဒီ လူကလဲ ကိုကိုအောင်ဆိုတာ မသိဘူးပေါ့နော်၊ ကြားလဲ မကြားဖူးဘူး ဆိုပြီးတော့ အဲဒီလို ပြန်ပြောလိုက်တယ်။ ကိုကိုအောင်ကလဲ လိုပါတယ်။ ကိုကိုအောင်က ဘယ်လိုလဲဆိုတော့ သူ ကျူရှင်တက်နေတာတွေ၊ သူ သင်တန်းတက်နေတာတွေ၊ စာအုပ်စာတမ်းတွေ၊ စာရွက်တွေ၊ လွယ်အိတ် တွေက အကုန် ပါသွားတယ်။ ကားပေါ်မှာ ကျန်ခဲ့တယ်လို့ ပြောတယ်။ လူကတော့ လွတ်လာခဲ့တယ်။ ကိုကိုအောင် ရှောင်နေရတယ်။ ရဲတွေ ကတော့ သူတို့ ဘယ်လိုလဲဆိုတော့ ဘက်ဖက်ရည်ဆိုင်တွေမှာ ထိုင်တယ်၊ ရဆကသအးမ္မာ±ုံတွေမှာ စောင့်နေတယ်။ လမ်းထိပ်တွေမှာ စောင့်နေတယ်ပေါ့နော်။ ဒါပေမဲ့ ရာအိမ်မှူးအိမ်ကိုတော့ ဟန်းဖုန်းနဲ့ အဲဒီ (Informer) သတင်းလာ ပေးတယ်ပေါ့နော်။”

ဒါကတော့ ဒီကနေ့ မနက်ပိုင်းက စစ်အစိုးရ ဆန့်ကျင်ရေး ပိုစတာ ကပ်ဖို့ ကြိုးစားတာကြောင့် ရှောင်တိမ်းနေရတဲ့ ကိုကိုအောင်ရဲ့ အဒေါ် မသန္တာဝင်း ပြောပြသွားတာ ဖြစ်ပါတယ်။ နောက်ဆုံးရရှိတဲ့ အတည် မပြုနိုင်သေးတဲ့ သတင်းတခုကတော့ မစုစုနွေးဟာ ကားနဲ့ ထွက်ပြေးစဉ် ကုက္ကိုင်းလမ်းဆုံမှာ ဖမ်းဆီးခံရတယ်လို့လဲ သိရပါတယ်။ ဒီသတင်းနဲ့ ပတ်သက်လို့ ဒီမိုကရက်တစ် မြန်မာ့အသံက အတည်ပြုချက် ရရှိဖို့ ကြိုးပမ်းနေဆဲဖြစ်ပါတယ်။

Read More...

Summary only...